علی رامے: حکومت وفاقی ملازمین پر مہربان، پہلے ہاؤس رینٹ میں اضافہ کیا گیا اب کرائے کی حد بھی مقرر کردی۔ سرکاری افسران کو گھر کا کرایہ اضافے کے ساتھ دیا جائے گا۔
تفصیلات کے مطابق حکومت اب سرکاری افسروں کو گھرکا کرایہ اضافے کے ساتھ دے گی۔یہ رقم ان افسران و ملازمین کو ملے گی جو کرائے کے گھروں میں رہتے ہوں گے۔ گریڈ 22 کے آفیسر کیلئے گھر کے کرائے کی حد 68 ہزار روپے سے 89 ہزار روپےمقرر کی گئی ہے۔ گریڈ 21 کے آفیسر کیلئے گھر کا کرایہ اب 57 ہزار کی بجائے 71 ہزار ہوگا۔
اسی طرح گریڈ 20 کےآفیسرکو حکومت 47سے 59 ہزار روپے تک دے گی، گریڈ 19 کے آفیسر کو گھر کےکرائے کی مد میں37سے 46 ہزار روپے تک ملیں گے۔ درجہ چہارم کےملازمین کو حکومت مکان کے کرائے کی مد میں صرف 9 ہزار روپے تک دے گی۔نئےکرایوں کا اطلاق یکم جولائی 2021 سے ہوگا۔