ویب ڈیسک: پاکستانی اداکارہ مائرہ خان نے سوشل میڈیا پر ایک مختصر ویڈیو میں لفظ "پینڈو" کو انتہائی ہتک آمیز انداز میں استعمال کیا، جس کے بعد انہیں سوشل میڈیا پر شدید تنقید کا سامنا کرنا پڑ رہا ہے۔
تفصیلات کے مطابق اداکارہ مائرہ خان نے حال ہی میں سوشل میڈیا پر اپنی ایک مختصر ویڈیو شیئر کی جس میں انہوں نے "پینڈو" اور "برگر" کے مابین ایک تنقیدی لائن کھینچنے کی کوشش کی، جس پر سوشل میڈیا صارفین نے غصے کا اظہار کیا اور انہیں تنقید کا نشانہ بنایا۔
مائرہ خان نے اپنی شیئر کردہ ویڈیو میں کہا، 'جب کچھ لوگ نئے نئے ڈیفنس جیسے پوش علاقے میں شفٹ ہوتے ہیں تو کہتے ہیں کہ یار ڈیفنس والے تو الٹرا "برگر" لوگ ہیں اس لیے ہمیں بھی ان کی طرح مارڈن ہونا ہے۔ اسی جم جائیں گے جہاں برگر لوگ جاتے ہیں۔ پاینڈو لوگ برگر کو ہر ممکن طریقے سے کاپی کرنے کی کوشش کرتے ہیں۔'مائرہ خان نے مزید کہا ہے کہ "پینڈو پنا" آپ کے ڈیفنس شفٹ ہونے سے نکلے گا نہیں۔ میرا مطلب ہے اگر پینڈو ہیں تو پینڈو رہیں گے۔ اور آپ کی حرکتیں بھی وہی رہیں گی نیچ، اوچھی ، باتیں کرنا۔ دیکھیں گے برگر کی جانب مگر برگر بن نہیں پائیں گے۔