ویب ڈیسک: کار سرکار میں مداخلت کے مقدمے میں پولیس نے سابق وزیر شیریں مزاری کی بیٹی وکیل ایمان مزاری اور انکے شوہر کو گرفتار کرلیا، ایمان مزاری کو تھانہ آبپارہ کی پولیس نے گرفتار کیا۔
پولیس ذرائع کے مطابق وکیل ایمان مزاری کے خلاف روٹ سے رکاوٹیں ہٹانے اور دست درازی کا مقدمہ تھانہ آبپارہ میں درج کیا گیا تھا، مقدمہ میں ایمان مزاری کے شوہر کو بھی نامزد کیا گیا تھا۔
یاد رہے کہ گزشتہ ہفتے ایمان مزاری اور انکے شوہر نے ٹریفک اہلکار سے تکرار کے باعث سڑک سے بیریئر ہٹائے تھے۔