عابد چوہدری :غازی آباد میں دوران ڈکیتی ڈاکوؤں کی فائرنگ سے ساتھی ڈاکو زخمی ہوگیا جس کو پولیس نے ہسپتال منتقل کردیا
ایس پی کینٹ اویس شفیق کے مطابق غازی آباد پولیس فوری جائے وقوعہ پر پہنچی، زخمی ڈاکو کی شناخت محمد کاشف کے نام سے ہوئی،زخمی ڈاکو طبی امداد کے لیے فوری ہسپتال منتقل کردیا جہاں اس کا علاج معالجہ جاری ہے ۔متاثرہ دکاندار حفیظ الرحمان کی مدعیت میں ملزمان کیخلاف مقدمہ درج کر لیا گیا ۔
ساتھی ڈاکو کی فائرنگ سے ایک ڈاکو کے زخمی ہونے کا واقعہ گزشتہ رات ایمان ٹریڈرز کے سامنے پیش آیا، پولیس نے بتایا کہ دکاندار نے واردات کا خدشہ بھانپ کر مزاحمت کی، دکاندار کی مزاحمت پر ایک ڈاکو نے فائرنگ کردی ،گولی ڈاکو کے اپنے ہی ساتھی کو جالگی،زخمی ڈاکو وہیں گر گیا جبکہ دیگر ملزم فرارہوگئے جن کو پولیس تلاش کررہی ہے