ویب ڈیسک : بلوچستان کے شہر تربت میں بم دھماکہ ہوا ہے ۔
پولیس کے مطابق دھماکا تربت کے علاقے آبسر میں ہوا، جہاں دیسی ساختہ بم نامعلوم افراد کی جانب سے سڑک کنارے نصب کیا گیا تھا ، بم دھماکے کے نتیجے میں1 شخص جاں بحق اور 2 افراد زخمی ہو گئے ، واقعے کی اطلاع ملتے ہی پولیس اور دیگر قانون نافذ کرنے والے اداروں کے اہلکار موقع پر پہنچ گئے، جاں بحق اور زخمیوں کو اسپتال منتقل کر دیا گیا ۔
پولیس کی جانب سے علاقے کی ناکہ بندی کر کے ملزمان کی تلاش شروع کر دی گئی۔