اسرار خان: لاہور کے علاقہ جوہر ٹاؤن میں 55 سالہ جمشید کے قتل کا معاملہ ، سٹی 42 نے قتل کی واردات کی سی سی ٹی وی فوٹیج حاصل کر لی۔

قتل کا واقعہ 27 مئی کی رات 12 بجے کے قریب لاہور کے علاقہ جوہر ٹاؤن مین پیش آیا  جس کی فوٹیج بھی سامنے آگئی ہے۔سی سی ٹی وی میں مقتول جمشید اپنے ڈیرے کے باہر کرسی پر بیٹھا نظر آتا ہے  کہ نامعلوم موٹر سائیکل سواروں نے قریب آتے ہی جمشید پر فائرنگ کر دی اور موقع سے فرار ہوگئے۔ ملزمان کی فائرنگ سے جمشید کے ساتھ بیٹھے 2 افراد بال بال بچے جبکہ علاقہ مکین فائرنگ سے خوفزدہ ہو جاتے ہیں۔

دوسری جانب پولیس کا کہنا ہے کہ شبہ ہے کہ اجرتی قاتلوں کو بھاری رقم دیکر جمشید کو قتل کروایا گیا ، واقعہ دیرینہ دشمنی کا نتیجہ ہے، تاہم ملزمان کی گرفتاری کیلئے سی سی ٹی وی سمیت دیگر شواہد سے مدد لی جا رہی ہے۔