وقاص احمد : آرگنائزڈ کرائم یونٹ سول لائن کی کارروائی قتل اقدام قتل میں مطلوب خطرناک اشتہاری ملزم محمد ابرار عرف بھارا کو گرفتار کر لیا گیا۔ملزم سےناجائزاسلحہ پسٹل برآمد ، مزید تفتیش جاری ہے۔
ڈی ایس پی( OCU)سول لائن راشد امین بٹ نے بتایا ہے کہ گرفتار ملزم قتل اقدام قتل جیسی سنگین نوعیت کی وارداتوں میں مطلوب تھا ، گرفتار ملزم نے تھانہ باٹاپورمیں شہری کو فائر مار کر قتل کردیا تھا ،ملزم سے ناجائزاسلحہ پسٹل برآمد ہوا مزید تفتیش جاری ہے۔ملزم کو پیشہ ورانہ صلاحیتوں، جدید ٹیکنالوجی اور پبلک ریلیشن شپ کوبروئے کار لاتے ہوئے گرفتار کیا گیا ہے ۔
ایس پی(OCU)نارتھ فرقان بلال کی مطابق ملزم کو پراسیکیوشن پارٹنر شپ کی مدد سے سخت سزا دلوائی جائے گی۔جرائم پیشہ عناصر کیخلاف آرگنائزڈکرائم یونٹ لاہور کی کارروائیاں جاری رہیں گی، ڈی آئی جی (OCU) عمران کشور کی طرف سے ڈی ایس پی راشد امین بٹ اور ان کی ٹیم کو شاباش اور تعریفی سرٹیفکیٹ دیے گئے۔