ویب ڈیسک: ہریانہ کے پنچکولہ سے تعلق رکھنے والی آٹھ سالہ ارشیا گوسوامی نے ویٹ لفٹنگ چیلنج میں زبردست ثابت قدمی اور طاقت کا مظاہرہ کرتے ہوئے کامیابی حاصل کی ہے۔ ایک حالیہ وائرل ویڈیو میں، گوسوامی کو آسانی سے 60 کلو وزنی ڈیڈ لفٹ اٹھاتے ہوئے دیکھا جا سکتا ہے۔ اس کی قدیم تکنیک اور کمسن ارشیا کی غیر متزلزل توجہ نے عام ناظرین کے ساتھ قیٹ لفٹنگ کے کھلاڑیوں اورر ماہرین کو بھی حیران کر دیا ہے۔
ارشیا گوسوامی نے اپنے انسٹاگرام ہینڈل پر ویڈیو شیئر کرتے ہوئے اس کا کیپشن دیا، ’’ابھی بھی سب سے کم عمر اور مضبوط لڑکی ہے۔‘‘ گوسوامی کو وائرل ویڈیو میں نیلی ٹی شرٹ اور ملٹی کلر شارٹس پہنے ہوئے، 60 کلو ڈیڈ لفٹ کو ایک ہی بار میں اٹھاتے ہوئے اور اسے نیچے پھینکنے سے پہلے ایک لمحے کے لیے تھامے رکھتے ہوئے دیکھا جا سکتا ہے۔ اس کے بعد وہ اعتماد کے ساتھ، فخر اور جذبے کے ساتھ کیمرے کی طرف چل پڑی۔
چھ سال کی عمر میں، اس نے 2021 میں 45 کلو وزن اٹھا کر سب سے کم عمر ڈیڈ لفٹ کا ریکارڈ قائم کیا تھا۔ ان کی کامیابی کو انڈین بک آف ریکارڈز میں درج کر لیا گیا ہے۔ اولمپک تمغے کلانے کا خواب دیکھنے والی ارشیا کو بیک وقت تائیکوانڈو اور پاور لفٹنگ کا شوق ہے۔
مڈ ڈے انڈیا کے مطابق جب ارشیا سات سال کی تھی اور اسکا خود کا وزن 25 کلو گرام تھا تب وہ 57 کلو گرام وزن اٹھا لیتی تھی۔ ارشیا کی انسٹا گرام پوسٹوں کو اب تک لئی ملین لوگ دیکھ چکے ہیں۔
اس کے والد گوسوامی اس کے انسٹاگرام ہینڈل کو سنبھالتے ہیں۔ ارشیا گوسوامی کی ویٹ لفٹنگ میں دلچسپی ان کے والد کے سبب ہے جو ایک لائسنس یافتہ فٹنس ٹرینر ہیں، جب وہ گود میں تھیں تو والد کے ساتھ ان کو ورزش کرواتے دیکھنے کے لئے جاتی تھیں، زرا بْڑی ہوئیں تو خود بے ترتیب ورزش شروع کر دی۔ وہ بہت چھوٹی عمر سے والد کے ساتھ باقاعدہ ورزش کرنے لگی تھیں۔ اپنے والد کے ساتھ ویٹ لفٹنگ کی چھ ماہ کی مختصر ٹریننگ کے بعد ، اس نے چھ سال کی عمر میں ڈیڈ لفٹنگ شروع کی۔ اس نے اتنی کم عمر میں 45 کلو وزن اٹھایا۔
ایک اور انسٹاگرام پوسٹ میں یہ ذکر کیا گیا ہے کہ اولمپک میڈلسٹ مؐؐیرا بائی چنو ارشیا کی انسپیریشن ہے۔وہ ویٹ لفٹنگ سے محبت کرتی ہیں اور اس سے بہت لطف اندوز ہوتی ہیں۔ آج وہ ملک کی سب سے کم عمر ویٹ لفٹر ہیں اور مستقبل میں ہندوستان کے لیے اولمپکس میں سونے کا تمغہ جیتنے کی امید رکھتی ہیں۔ اس نے 8 سال کی عمر میں ریاستی سطح کے ویٹ لفٹنگ ٹورنامنٹ میں کانسی کا تمغہ بھی جیتا تھا۔
ارشیا گوسوامی کی ٹرینڈنگ ویڈیو سے متاثر ہو کر بہت سے لوگ کمسن ارشیا کے مداح ہو گئے۔ انہوں نے ارشیا گوسوامی کی بے مثال صلاحیت کی تعریف کی اور کہا کہ وہ مستقبل میں یقینی طور پر ایک ناقابل یقین ایتھلیٹ بنیں گی۔ انہوں نے ارشیا کی اچھی معاونت کرنے پر اس کے والدین کی بھی تعریف کی۔ ایک اور مداح نے ان کی "شاندار کارکردگی" پر ان کی تعریف کی اور ایک مداح نے ان کی آنکھوں میں دلیری کی تعریف کی اور ایک متاثر کن ہونے پر ان کا شکریہ ادا کیا۔