ہمارا واٹس ایپ چینل جوائن کریں

شائقین کرکٹ کے لیے خوشخبری ؛ پی ایس ایل 10 کی ٹکٹوں  کی فروخت کی اہم خبر سامنے آگئی

شائقین کرکٹ کے لیے خوشخبری ؛ پی ایس ایل 10 کی ٹکٹوں  کی فروخت کی اہم خبر سامنے آگئی
Stay tuned with 24 News HD Android App
Get it on Google Play

وسیم احمد : ایچ بی ایل پی ایس ایل 10 کی ٹکٹوں  کی فروخت جلد شروع ہونے والی ہے 

ایچ بی ایل پی ایس ایل 10 کی ٹکٹوں کی فروخت 3 اپریل سے شروع ہوگی۔،ٹکٹ جمعرات کو سہ پہر 3 بجے PCB.tcs.com.pk پر آن لائن دستیاب ہوں گے۔فزیکل ٹکٹ 7 اپریل سے ملک بھر کے ٹی سی ایس ایکسپریس سینٹرز پر دستیاب ہوں گے۔

آن لائن بک کی گئی ٹکٹیں ٹی سی ایس کے مقرر کردہ  پک اپ مراکز سے بھی حاصل کی جا سکتی ہیں یا ٹی سی ایس کے ذریعے گھر پر پہنچائی جا سکتی ہیں۔ ایچ بی ایل پی ایس ایل  چار شہروں کراچی، لاہور، ملتان اور راولپنڈی میں کھیلی جائے گی جس کا فائنل 18 مئی کو قذافی اسٹیڈیم لاہور میں ہوگا۔

پی ایس ایل کے چاروں وینیوز کے عام ٹکٹ   650  روپے میں دستیاب ہونگے۔ اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں افتتاحی میچ کے ٹکٹ 1000 روپے سے 8500 روپے تک دستیاب ہوں گے۔شائقین کی مصروفیت اور دلچسپی میں اضافہ کرنے کے پی سی بی کے وژن کے ایک حصے کے طور پر، ہر میچ کے دوران ایک ٹکٹ ریفل کا انعقادبھی  کیا جائے گا جس میں شائقین دلچسپ انعامات  حاصل کرسکیں گے ۔مزید تفصیلات مناسب وقت پر شیئر کی جائیں گی۔

میچز  کے وینیو اور ٹکٹوں کی  قیمتیں بھی سامنے آگئیں ، پی سی بی نے  مقامات بتا دیے جہاں سے شہری  ٹکٹیں خرید سکتے ہیں