(اسرار خان) گلبرگ کے علاقے میں معمر شخص ریل گاڑی کی زد میں آ کر جاں بحق ہو گیا ۔ پولیس نے ضروری قانونی کارروائی کے بعد لاش ورثاء کے حوالے کر دی ۔
پولیس کے مطابق واقعہ گلبرک کے علاقہ حسنین آباد ریلوے پھاٹک کے قریب پیش آیا، جہاں ریلوے لائن پار کرتے ہوئے 72 سالہ حیدر علی ریل گاڑی کی زد میں آکر جاں بحق ہوگیا۔
متوفی گلی نمبر 2 حسنین آباد کا رہائشی تھا، جس کا ذہنی توازن خراب تھا۔ پولیس کا کہنا ہے کہ جاں بحق شخص کی لاش ضروری قانونی کارروائی کے بعد لواحقین کے حوالے کر دی گئی ہے ۔