(مانیٹرنگ ڈیسک) معروف اداکارہ وماڈل آمنہ الیاس کی قرنطینہ کے دوران بنائی گئی ویڈیو سوشل میڈیا پر وائرل ہوگئی۔
کچھ روز قبل اداکارہ کا کورونا ٹیسٹ مثبت آیا تھا اور انہوں نے خود کو گھر میں قرنطینہ کر لیا تھا، اب اداکارہ نے سماجی رابطوں کی ویب سائٹ انسٹاگرام پر اپنی ایک ویڈیو شیئر کی ہے جس میں انہیں چھت پر چائے کا مگ تھامے کورونا تجربے کا ذکر کرتے دیکھا جاسکتا ہے۔
View this post on Instagram
ویڈیو میں اداکارہ نے افسردہ لہجے میں کہا کہ وہ قرنطینہ کے دوران نہ کسی چیز کو چکھ سکتی ہیں نہ ہی سونگھ سکتی ہیں، وہ اس دوران اپنے دوستوں، اپنی روزمرہ زندگی اور خاص طور پر اپنے فیملی ممبران کو بہت یاد کررہی ہیں۔
دوسری جانب اتنی ہی دیر میں اداکارہ کی والدہ کی آواز آتی ہے اور وہ نیچے سے ہی ان سے اپنی محبت کا اظہار کرتے سنی جاسکتی ہیں۔
اداکارہ نے اپنی پوسٹ کے کیپشن میں لکھا ہے کہ قرنطینہ کے دوران، باہر نکلنے لوگوں سے ملنے اور اہل خانہ کو گلے لگانے کا لالچ، لیکن دور رہیے ناکہ اپنے لیے بلکہ اپنے پیاروں کے لیے۔