( فخر امام ) لاہور پولیس کے کورونا وائرس کے خلاف اقدامات، ایس ایس پی آپریشنز محمد نوید نے مشتبہ کورونا مریضوں کی ہسپتال منتقلی کیلئے بنائی گئی سپیشل ٹیمز میں حفاظتی کٹس تقسیم کیں۔
میو ہسپتال اور گنگا رام ہسپتال سمیت ناکوں پر تعینات اہلکاروں میں بھی حفاظتی کٹس تقسیم کی گئیں۔ حفاظتی کٹ میں مکمل لباس، ہیلمٹ، گلوز، ماسک، سینی ٹائزر اور عینک شامل ہیں۔
ایس ایس پی آپریشنز محمد نوید کا کہنا ہے کہ پولیس جوانوں کی حفاظتی انتظامات کے پیش نظر کٹس تقسیم کی جارہی ہیں، لاہور پولیس کا ہر سپاہی فیلڈ ڈیوٹی کی وجہ سے کورونا وائرس کے خطرات کا زیادہ سامنا کرتا ہے۔
انہوں نے کہا ناکوں پر تعینات جوان بھی حفاظتی تدابیر اپناتے ہوئے ماسک اور سینیٹائزرکا استعمال یقینی بنائیں۔