(سٹی42)محبت کے چراغوں کو آئس نشے کی ہوا نے بجھا دیا،  ڈیفنس میں گھریلو تشدد کے دونوں کردار نشے کے عادی نکلے، بیوی کا سرمونڈنے والے ظالم شوہر نے دوران تفتیش چونکا دینے والےانکشافات کر ڈالے۔

ذرائع کے مطابق  ڈیفنس میں شوہر کا دوست کے ساتھ مل کر بیوی پر تشدد کے کیس میں اہم انکشافات سامنے آئے ہیں،پولیس کی تفتیش میں یہ بات سامنے آئی ہے کہ میاں  بیوی دونوں آئس کے نشے کے عادی تھے،پولیس نے ملزم کا بیان بھی ریکارڈ کر لیا۔

بیوی پر تشدد کرنے  والے ملزم شوہر نے انکشاف کیا کہ صرف میں ہی نہیں اسما بھی آئس نشے کی عادی ہے، نشے کی زیادتی کے سبب ہوش کھو بیٹھا تھا، وقوعہ کی رات کیا کیا ؟ کچھ یاد نہیں۔

واضح رہے کہ  گزشتہ روز  پولیس نےدوستوں کے سامنے ناچنے سے انکار کرنے پر بیوی پر تشدد کرنے والے  شوہر کو ساتھی سمیت گرفتار کرلیا تھا، جنہیں آج ماڈل ٹاؤن کچہری میں پیش کیا گیا ،عدالت نے فیصل اور  اس کے دوست راشد علی کو چار روزہ جسمانی ریمانڈ پر نیب کے حوالے کردیا۔