عابد چودھری : وزیر اعلیٰ مریم نواز کی ہدایت پر ڈرگ فری پنجاب مہم میں پنجاب پولیس کی جانب سے بھرپور کریک ڈاؤن کیا گیا ہے، منشیات فروشوں، ڈیلرز وسمگلرز کے ٹھکانوں پر پولیس کی جانب سے چھاپے مارے گئے ہیں۔ 

 ترجمان پنجاب پولیس کے مطابق ایک روز میں منشیات فروشوں کے ٹھکانوں پر 200 سے زائد چھاپے مارے گئے، ان چھاپوں میں مکروہ دھندے میں ملوث 99 ملزمان گرفتار کرلیے گئے، جبکہ 99 مقدمات درج کیے گئے، ملزمان سے 54 کلو گرام چرس ، 1 کلو ہیروئن اور 955 لٹرز شراب برآمد ہوئی۔ 

 ترجمان پنجاب پولیس کا کہنا ہے کہ 26فروری سے جاری اینٹی نارکوٹکس آپریشنز کے دوران پولیس ٹیموں کے 33 ہزار سے زائد چھاپے مارے گئے ہیں، جن میں منشیات فروشی میں ملوث 15945 ملزمان گرفتار، جبکہ 15558 مقدمات درج کیے گئے ہیں، چھاپوں کے دوران ملزمان سے 9300 کلو سے زائد چرس، 161 کلو گرام ہیروئن، 269 کلو افیون برآمد ہوئی ، اس کے علاوہ 45کلوگرام آئس اور 16 لاکھ لٹر شراب سے زائد شراب بھی برآمد کی گئی۔ 

آئی جی پنجاب ڈاکٹر عثمان انور کی جانب سے آر پی اوز ، ڈی پی اوز کو انسداد منشیات آپریشنز کی خود نگرانی کی ہدایت کی گئی ہے ۔