حسنین ساجد: واسا نے برسات سے پہلے نالوں کی صفائی کے دوران نالوں کے اندر سے نکلنے والا گاربیج مناسب طریقہ سے ٹھکانے لگانے کی بجائے نالوں کے قریب سڑکوں پر ہی گاربیج کے ڈھیر لگا دیئے۔
شہر کی کئی اہم شاہراہوں پر واسا عملے نے نالے صاف کرنے کے دوران سڑکوں کو غلاظت کے ڈھیروں میں بدل دیا۔ پی آئی اے روڈ پر بھی سڑک کے درمیان چلنے والےسیوریج نالے سے نکلنے والا کوڑا اور ویسٹ روڈ پر ہی گرا دیا۔
پی آئی اے روڈ پر واپڈا گول چکر سے جوہر ٹاؤن کی طرف جگہ جگہ کوڑا بکھر گیا ہے۔ آج کل پی آئی اے روڈ پر ہر طرف غلاظت پھیلی ہوئی ہے جس سے تعفن اٹھنے لگا ہے۔ عملے کی نااہلی کی وجہ سے پی آئی اے روڈ پر کمیوٹرز کو مشکلات کا سامنا بھی کرنا پڑ رہا ہے۔ شہریوں کا صفائی عملے کی نااہلی پر نوٹس لیتے ہوۓ پی آئی اے روڈ کو فوری صاف کرنے کا مطالبہ سامنے آیا ہے۔
