(اسرار خان)رائیونڈ سٹی کے علاقے میں کرنٹ لگنے سے دو کم سن بہن بھائی جاں بحق،، بچوں کے باپ نے سوتیلی ماں کو قاتل قرار دے دیا ، پولیس نے لاشیں تحویل میں لے کر قتل سمیت مختلف پہلوؤں پر تحقیقات شروع کر دیں ۔
 پولیس کے مطابق واقعہ رائیونڈ سٹی کی بستی بھچوکی ببلیانہ میں شہری خرم شہزاد کے گھر میں پیش آیا، جہاں اس کا بیٹا 6سالہ ابوذر اور 5 سالہ بیٹی امان شہزادی کرنٹ لگنے سے موقع پر ہی دم توڑ گئے۔ بچوں کے والد نے ڈیڑھ سال قبل انیلہ نامی خاتون سے دوسری شادی کی تھی۔ دونوں بچے اپنی سوتیلی ماں کے ساتھ ہی رہتے تھے۔

واقعہ کے بعد انیلہ موقع سے غائب ہو گئی جس کی تلاش جا ری ہے۔ پولیس نے بچوں کی لاشیں مردہ خانے منتقل کر کے قتل سمیت مختلف پہلوؤں پر تحقیقات شروع کر دی ہیں۔ بچوں کے والد خرم شہزاد کا کہنا ہے کہ دونوں بچوں کو ان کی سوتیلی ماں نے ہی کرنٹ لگا کر قتل کیا ہے۔