ویب ڈیسک : مریدکے کے علاقے چک 38میں بارش کے باعث گھر کی چھت گرنے سے 5 افراد زخمی ہوگئے ۔ 

ریسکیو حکام کے مطابق مریدکے کے علاقے چک 38میں بارش کے باعث چھت گر گئی، چھت گرنے کی وجہ سے ایک ہی گھر کے 5 افراد شدید زخمی ہوگئے۔ اطلاع ملتے ہی ریسکیو ٹیم جائے وقوعہ پر پہنچی ، اور زخمیوں کو ٹی ایچ کیو ہسپتال منتقل کر دیا گیا۔ 

ریسکیو حکام کا کہنا ہے کہ زخمیوں میں سے تین کی حالت تشویشناک ہے۔ زخمیوں میں 28سالہ اسد ولد رفاقت، 30سالہ راشد ولد لیاقت، 3سالہ مائرہ دختر عادل، 25 سالہ نیلم زوجہ عادل، 28سالہ عادل ولد ریاض شامل ہیں ۔