اسرار خان : شہر کے مختلف علاقوں میں 3 نشے کے عادی افراد سمیت 4 افراد جان کی بازی ہار گئے ۔ 

 ایدھی ترجمان کے مطابق گلبرگ میں کرنٹ لگنے سے 21 سالہ حسیب جاں بحق ہو گیا ۔ فیکٹری ایریا، والٹن روڈ پر سڑک کنارے سے 45 سالہ شخص مردہ حالت میں ملا، متوفی بظاہر نشے کا عادی معلوم ہوتا ہے، سر دست شناخت نہ ہو سکی ۔ اس کے علاوہ غازی آباد، بٹ چوک کے قریب نشے کی زیادتی کے باعث 37 سالہ عدنان ہلاک ہو گیا۔نواں کوٹ کے علاقہ میں فٹ پاتھ سے 50 سالہ نامعلوم شخص کی لاش ملی، متوفی نشے کا عادی تھا، بظاہر ہلاکت نشے کی زیادتی کے باعث ہوئی ۔ 

 ایدھی ترجمان کا کہنا ہے کہ پولیس کارروائی کے بعد تمام میتیں مردہ خانے منتقل کر دی گئیں ۔