اسرار خان : سبزہ زارکےعلاقہ میں ڈولفن سکواڈ نے کارروائی کرتے ہوئے مختلف پٹرول پمپس سےموبل آئل کے گیلن چرانے والا 2 رکنی گروہ گرفتار کرلیا ۔
ترجمان ڈولفن کے مطابق گرفتار ملزمان کی شناخت شہروز اور چاند کے نام سے ہوئی،ملزمان نےگزشتہ روز معراج چوک میں پٹرول پمپ سے انجن آئل کا گیلن چوری کیا تھا۔ ملزموں کو سی سی ٹی وی کی مدد سے شناخت کے بعد گرفتار کیا گیا ۔ گرفتار ملزمان ریکارڈ یافتہ ہیں، مختلف تھانوں میں 27 مقدمات میں مطلوب ہیں ۔
ترجمان ڈولفن کا کہنا ہے کہ گرفتار ملزمان کو قانونی کارروائی کیلئے سبزہ زار پولیس کے حوالے کر دیا گیا ۔