اسرار خان : لاہور پولیس آپریشنز ونگ کی منشیات فروشوں کیخلاف انٹیلی جنس بیسڈ کار روائیاں، رواں سال اب تک منشیات برآمدگی پر 5 ہزار 911 ملزمان گرفتار کیے گئے۔
منشیات برآمدگی پر شہر کے مختلف تھانوں میں 5731 مقدمات درج کئے گئے، ملزمان سے 4 ہزار 96 کلوگرام سے زائد چرس، 204 کلو 319 گرام ہیروئن برآمد کی گئی، اس کے علاوہ ملزمان سے 109 کلو 504 گرام آئس اور 40 ہزار 989 لیٹر شراب برآمد ہوئی ۔
سٹی ڈویژن نے 1318 ، کینٹ 1217 ،سول لائنز ڈویژن نے 642 ملزمان گرفتار کئے، صدر ڈویژن نے 793 اور اقبال ٹاؤن پولیس نے 947 ملزمان کو گرفتار کیا ۔
رواں سال اب تک ماڈل ٹاؤن ڈویژن نے 994 منشیات فروشوں کو گرفتار کیا ۔
ڈی آئی جی آپریشنز محمد فیصل کامران کا کہنا ہے کہ شہری منشیات بیچنے والوں کے بارے میں لاہور پولیس کو آگاہ کریں ۔ منشیات کے مکروہ دھندے میں ملوث عناصر کا خاتمہ کیا جا رہا ہے ۔