سعید احمد: پی آئی اے کے بحرین میں تعینات کنٹری منیجر کی گرفتاری کا معاملہ، کنٹری منیجر اویس حنیف کو 3ماہ گزرنے کے باوجود ضمانت پر رہائی نہ مل سکی۔
کنٹری منیجر کوبحرین کی سکیورٹی نےسامان میں خیانت کے جرم میں گرفتار کیا تھا،ترجمان پی آئی اے کا کہناتھا لیگل ٹیم نے کیس کی پیروی کرکے نئے شواہدات جمع کروائے ،لیگل ٹیم نے کیس کی ازسر نو تحقیقات کا آغاز کروایا ہے۔

یاد رہے کہ 8 جولائی کو مسافروں کے سامان میں خیانت کا جرم ثابت ہونے پر بحرین میں پی آئی اے کے کنٹری منیجر اویس حنیف کو گرفتار کر لیا گیا تھا، جس سے کرپشن، بے ضابطگیوں اور دیگر انتظامی مسائل سے تباہی کے دہانے پر پہنچنے والی قومی ایئر لائن پر بدنامی کا ایک اور داغ لگ گیا تھا۔

کنٹری منیجر اویس حنیف پر مسافروں کا رہ جانے والا سامان ایئر پورٹ سے لے کر دفتر لے جانے کا الزام ہے، بحرین ایئر پورٹ قوانین کے مطابق کسی مسافر کا سامان لے جانا قانون کے مطابق جرم ہے۔