(اسرار خان)ڈی آئی جی آپریشنز ساجد کیانی کی ہدایت پر حفاظتی اقدامات کے پیش نظر شہر کے مختلف علاقوں میں سرچ آپریشن کئے گئے، 17 ملزموں کو گرفتار کرکے ناجائز اسلحہ، منشیات برآمد کر لی گئی۔

تفصیلات کے مطابق سرچ آپریشن ایس ایس پی آپریشنز سید ندیم عباس کی نگرانی میں مناواں، گجر پورہ اور شیرا کوٹ کی مختلف آبادیوں میں کئے گئے،شہریوں کی بائیو میٹرک تصدیق کی گئی، شناختی اور کرایہ داری کوائف کی جانچ پڑتال بھی کی گئی، ایس ایس پی آپریشنز کے مطابق سرچ آپریشن کے دوران 17جرائم پیشہ افراد گرفتار کئے گئے،متعلقہ تھانوں میں ناجائز اسلحہ کے 10 اور منشیات برآمدگی پر 7مقدمات درج کئے گئے ہیں۔

گرفتار ملزموں کے قبضے سے 4رائفلیں، 5پستول، درجنوں گولیاں، چرس اور بھاری مقدار میں شراب برآمد کی گئی، ایس ایس پی آپریشنز کا کہنا ہے سرچ آپریشن محرم الحرام سکیورٹی اقدامات کے پیش نظر کئے گئے ہیں۔