(ویب ڈیسک)بھارت میں شادی کی تقریبات کی مضحکہ خیز ویڈیو اکثر سوشل میڈیا پر وائرل ہوتی رہتی ہیں گزشتہ دنوں نشے میں دھت ایک دولہے میاں جیسے ہی بارات لے کر دلہن کے گھر پہنچے تو اپنے آپ پر قابو نہ رکھ سکے اور سڑک کے بیچوں بیچ لوٹتے ہوئے ناگن ڈانس کرنا شروع کر دیا تھا جس پر دولہن نے شادی سے انکار کر دیا تھا۔
تفصیلات کے مطابق اس مرتبہ بھارت میں شادی کی تقریب کی ایک ایسی ویڈیو ب وائرل ہورہی ہے جس میں دلہن کو بڑی بے باکی کے ساتھ رخصتی کے وقت خود گاڑی چلاکر سسرال جاتے دیکھا جاسکتا ہے۔ یہ ویڈیو پہلے بھی انٹرنیٹ پر بہت زیادہ وائرل ہوتی رہی ہے اب ایک مرتبہ پھر سوشل میڈیا کی زینت بنی ہے۔
ویڈیو میں دیکھا جاسکتا ہے کہ دلہا ڈرائیونگ سیٹ کے برابر والی سیٹ پر بیٹھا ہے جب کہ دلہن نے اسٹیئرنگ سنبھالا گاڑی سٹارٹ کی اپنے سسرال کی جانب چل پڑی جسے دیکھ کر جہاں صارفین ملےجلے تاثرات کا اظہار کر رہے ہیں وہیں بھارتی روایات کو توڑنے پر سوشل میڈیا صارفین کی جانب سے خوب داد بھی دی جارہی ہے۔