(سٹی42)پاکستان کی مشہور ٹک ٹاک سٹار جنت مرزا کو بلیک میل کرنے والا شخص قانون کے شکنجے میں آگیا،ایف آئی اے نےملزماسفندیار کو گرفتار کرلیا۔
تفصیلات کے مطابق مشہور ٹک ٹاک سٹار جنت مرزا کو بلیک میل کرنے والے شخص کو وفاقی تحقیقاتی ادارہ (ایف آئی اے) گرفتار کرلیا،اسفندیار نامی ملزم نے گزشتہ روز جنت مرزا اور اُن کی بہن علشبہ انجم کی تصویریں اور ویڈیوز نامناسب طریقے سے ایڈٹ کر کے آن لائن پوسٹ کی تھیں اور اُن کے نام سے منسوب کر کے بدنام کرنے کی کوشش کی تھی۔
ملزم نےاعتراف کرتے ہوئے تیایا کہ اسے اپنے فعل پر شرمندگی ہے، اس نے تصاویر ایڈٹ کرکے صرف سحر کو ہی بھیجی تھیں، اس کا مقصد اسے ڈرانا تھا ، اس نے یہ تصاویر نہ تو سوشل میڈیا پر وائرل کیں اور نہ ہی کسی اور شخص کے ساتھ شیئر کیں۔ایف آئی اے حکام کا کہنا تھا کہ ملزم کے خلاف مقدمہ درج کرلیا گیا اور معاملے کی تحقیقات کی جارہی ہے۔
دوسری جانب جنت مرزا کی بہن سحر مرزا نے ایف آئی اے کو اپنی تصاویر سوشل میڈیا پر سامنے آنے کے بعدکارروائی کے لئے درخواست دی تھی۔ سحر مرزا نے اپنی درخواست میں کہا تھا کہ وہ جی سی یونیورسٹی فیصل آباد کی طالبہ ہے، اس کی اسفند یار کے ساتھ فیس بک پر دوستی ہوئی۔دونوں میں شادی کے وعدے ہوئے لیکن سحر مرزا نے شادی سے انکار کیا تو ملزم نے تصاویر کو ایڈٹ کرکے سوشل میڈیا پر وائرل کردیا۔
واضح رہے کہ ملزم اسفندیار کی جانب سے تصاویر پوسٹ کرنے کا دعویٰ کیا تھا،ٹک ٹاک سٹار نے اس حوالے سے سائبر کرائم ڈویژن میں مقدمہ درج کروایا تھا، ایف آئی اے نے ملزم کو دیگر 2 ساتھیوں کے ہمراہ لاہورسے گرفتار کیا،ملزم کو 2 روزہ جسمانی ریمانڈ پر ایف آئی اے کے حوالے کردیا گیا ہے۔
