وقاص عظیم:  یوٹیلیٹی اسٹورز کارپوریشن نے چینی کی قیمت میں 5 روپے فی کلو کا اضافہ کر دیا ہے۔

 ذرائع کے مطابق  یوٹیلیٹی اسٹورز پر چینی کی قیمت 140 روپے فی کلو سے بڑھا کر 145 روپے فی کلو مقرر کی گئی ہے۔

یوٹیلیٹی اسٹورز حکام کے مطابق اوپن مارکیٹ میں چینی کی قیمتوں میں اضافے کے باعث یوٹیلیٹی اسٹورز پر بھی قیمتوں میں اضافہ کیا گیا ہے تاہم حکام کا کہنا ہے کہ اس اضافے کے باوجود یوٹیلیٹی اسٹورز پر چینی کی قیمت اوپن مارکیٹ سے سستی ہے۔

یاد رہے کہ یہ فیصلہ اس وقت کیا گیا جب وفاقی کابینہ نے گذشتہ ہفتے یوٹیلیٹی اسٹورز کے آپریشنز بند کرنے کے حوالے سے ایک کمیٹی تشکیل دی تھی۔ وفاقی وزیر برائے صنعت و پیداوار کو کمیٹی کا سربراہ مقرر کیا گیا، اور کمیٹی کو ایک ہفتے کے اندر رپورٹ پیش کرنے کی ہدایت کی گئی۔

یوٹیلیٹی اسٹورز کی جانب سے اس اضافے کے بعد چینی کی قیمتوں میں مزید اتار چڑھاؤ کا امکان ظاہر کیا جا رہا ہے۔