عرفان ملک:چمپیئنز ٹرافی کے سکیورٹی انتظامات کے حوالے سے سی ٹی ڈی بھی متحرک ہو گئی۔
سی ٹی ڈی نے شہر کی 55 آبادیوں کے حوالے سے لاہور پولیس کو نشاندہی کر دی۔سی ٹی ڈی اور قانون نافذ کرنے والے اداروں اور لاہور پولیس نے ان آبادیوں میں کومبنگ آپریشنز شروع کر دیئے۔
لاہور ائیر پورٹ ، پی سی ہوٹل اور قذافی سٹیڈیم کے قریب آبادیوں میں ہر گھر کو چیک کیا جائے گا۔گھروں میں موجود افراد اور کرایہ داروں کا ڈیٹا مرتب کرنا شروع کر دیا گیا۔
کومبنگ آپریشنز میں ایک روز میں 2378 گھروں کو چیک کیا گیا۔ پولیس ریکارڈ کے مطابق کومبنگ آپریشنز کے دوران 8014 افراد کو چیک کیا گیا۔
شہر میں موجود 13 ناکوں پر بھی سپیشل چیکنگ کا عمل شروع کر دیاگیا۔