سٹی42: پاکستان کے جنت نظیر پہاڑوں اور وادیوں میں موسمِ سرما کی پہلی برف باری آخر کار آج شروع ہو گئی۔ وادیِ نیلم، کالام، چترال، مالم جبہ، ناران، کاغان، گلیات سمیت بالائی علاقوں میں برف باری ہو رہی ہے۔
برف باری کے آغاز سے کشمیر میں خوشی کی لہر دوڑ گئی ہے، گلیات، سوات، چترال، گلگت بلتستان کے علاقوں میں لوگوں نے طویل خشک سالی کا زور ٹوٹنے پر آج سکھ کا سانس لیا ہے۔
ایک طویل خشک سالی کا خاتمہ
— Pakistan Tourism (@PakistanJannatt) January 28, 2024
یا اللہ تیرا شکر ہے
الحمدللہ لاٸیکوٹ کالام میں برف باری شروع pic.twitter.com/xcvMgHjIIS
برف باری کے آغاز کے سے ایک روز پہلے ہی سیاحت کے لئے مقبول مقامات پر سیاحوں کی آمد کا سلسلہ بھی شروع ہو چکا ہے تو اس سال نگراں حکومتوں نے سیاحوں کو بہترین سہولتیں فراہم کرنے کے لیے سیاحتی مقامات پر خصوصی انتظامات کئے ہیں اور ٹورزم اتھارٹی نے بھی ٹورازم پولیس تعینات کر دی گئی ہے۔
ٹورازم اتھارٹی کے ترجمان کا کہنا ہے کہ سیاح برف باری والے مقامات پر جانے سے قبل احتیاطی تدابیر اختیار کریں اور پہاڑی علاقوں میں ڈرائیونگ کے دوران احتیاط کریں۔
ضرورت کے وقت سیاحوں کی مدد اور معاونت کے لئے ٹورازم ہیلپ لائن 1422 چوبیس گھنٹے فعال ہے۔
