(مانیٹرنگ ڈیسک) ایران میں سکول بند کرنے کے لیے طالبات کو جان بوجھ کر زہر دینے کا انکشاف ہوا ہے۔
غیر ملکی خبر رساں ایجنسی کے مطابق ایران کے ایک ہیلتھ ڈیپارٹمنٹ نے کہا ہے کہ ایران کے بڑے شہر “قم” میں سینکڑوں طالبات کو زہر سکول بند کرنے کی کوشش میں دیا گیا تھا۔انہوں نے کہا کہ نومبر کے آخر سے سکولوں میں بچیوں کو زہر دینے کے واقعات رپورٹ ہوئے جن میں سے کئی طالبات کو ہسپتال بھی منتقل کرنا پڑا تھا۔
ہیلتھ ڈیپارٹمنٹ کے نمائندہ نے کہا کہ بعد میں معلوم ہوا کہ طالبات کو سکولوں سے بےدخل کرنے کی مزموم کوشش کی جاتی رہی ہے۔ اب تک کسی گرفتاری کا اعلان نہیں کیا گیا ہے۔