ارسلان حیدر: اورنج لائن سٹیشنز پر ترقیاتی کام بغیر حفاظتی اقدامات کے جاری، منصورہ سٹیشن پر ٹریفک روانگی کے دوران خطرناک طریقہ سے ترقیاتی کام ہونے سے شہریوں کو شدید مشکلات کا سامنا ہے۔
تفصیلات کے مطابق اورنج لائن کے منصوبہ کے پیش نظر شہر بھر میں ترقیاتی کام جاری ہیں۔ منصورہ اورنج لائن سٹیشن پر بغیرحفاظتی اقدامات کے کام کیا جا رہا ہے۔ حفاظتی اقدامات نہ ہونے سے پُل کے نیچے سے گزرنے والی ٹریفک کسی بھی حادثہ کا سبب بن سکتی ہے۔
دوسری جانب شہریوں کا کہنا ہے کہ اگرچہ حکومت اورنج لائن کا منصوبہ تیزی سے پایہ تکمیل کو پہنچانے کے لئے کوشاں ہے، لیکن حکومت کو چاہئیے کہ حفاظتی اقدامات کو موثر بنائے تاکہ کسی بھی جانی نقصان سے بچا جاسکے۔