سٹی 42 : پاکستان کی نجی ائیرلائن کے ٹو ائیرویز کارگو نے اپنی پروازوں کا آغاز کردیا۔
کےٹو ائیرویز نے اندرون ملک کارگو پروازوں کا آغاز کردیا، کے ٹو ائیرویز کی پہلی کارگو پرواز کراچی سے لاہور کے مابین آپریٹ کی گئی۔
کے ٹو ائیرویز کارگو پروازوں کے لیے بوئنگ 737 طیارہ استعمال کرے گی، پرواز کے زریعے 20ٹن سامان کی ترسیل کراچی سے لاہور، اور اسلام آباد کے لیے کی جا سکے ۔
پہلے مرحلے میں اندرون ملک پروازوں کا آغاز کیا گیا، دوسرے مرحلے میں گلف کارپوریشن کونسل ممالک سمیت دیگر بین الاقوامی شہروں کے لیے پروازوں کا آغاز کیا جائے گا۔