وقاص احمد: مناواں کے علاقے میں دو کروڑ چوبیس لاکھ کی چوری کی واردات ہوگئی۔
تفصیلات کے مطابق مناواں کے علاقے میں چوری کی واردات سعودی پلٹ شہری عتیق الرحمن کے گھر ہوئی، پولیس کے مطابق عتیق الرحمن چند روز قبل سعودی عرب سے واپس آیاتھا،متاثرہ شہری اپنی فیملی کے ہمراہ سیالکوٹ رشتہ داروں کے گھر دعوت پرگیا ہوا تھا۔
چور گھر سے 50 تولے سونا،راڈو گھڑیاں، قیمتی موبائل فونز اور دیگر قیمتی اشیا کا صفایا کر گیے،چور گھر کی الماریوں کے تالے توڑ کر 2 کروڑ 24 لاکھ روپے کے طلائی زیورات اور دیگر سامان چوری کرکے لے گئے ، پولیس نے عتیق الرحمن کی مدعیت میں نامعلوم چوروں کے خلاف مقدمہ درج کرلیا۔
پولیس نے کہا ہے کہ ملزمان کے خلاف کاروائی جاری ہے، جلد گرفتار کر لیا جائے گا ۔