عابد چوہدری : تھانہ شاہدرہ میں رشوت کا بازارگرم ہے حوالاتیوں سے ملاقات اور کھانا دینے کی رشوت وصول کی جانے لگی۔ پولیس اہلکار کی شہری سے رشوت وصولی کی فوٹیج سامنے آ گئی۔
پولیس اب حوالاتیوں سے ملاقات اور کھانا دینے کی رشوت وصول کرنے لگی۔ تھانہ شاہدرہ میں تعیناتی پولیس اہلکار ارشد کی مبینہ رشوت وصولی کی فوٹیج سامنے آ گئی ۔شہری چانداپنے رشتہ دارحوالاتی کو کھانا دینے گیا تو رشوت وصول کی گئی ۔فوٹیج میں پولیس اہلکار ارشد کو شہری سے کھانے کے بعد رشوت وصول کرتے دیکھا جا سکتاہے۔
ایس پی سٹی نے فوٹیج میں نظر آنے والے اہلکار کو معطل کر دیا ۔اے ایس پی شاہدرہ کو معاملے کی فوری انکوائری کر کے رپورٹ پیش کرنے کی ہدایت کر دی۔ایس پی سٹی کا کہنا ہے محکمہ کی بدنامی کا سبب بننے والے کسی رعایت کے مستحق نہیں۔
