سٹی42: آزادکشمیرکے سابق قائم مقام وزیراعظم اور مسلم لیگ ن کے سینئیر رہنما چوہدری محمد عزیز انتقال کرگئے۔
چوہدری محمدعزیز کا انتقال آج صبح اسلام آباد کے اسپتال میں ہوا۔ اسلام آباد میں نمازہ جنازہ کے بعد چوہدری محمد عزیز کی میت آزاد کشمیر میں ان کے آبائی علاقہ حویلی کہوٹہ روانہ کردی گئی۔
چوہدری محمد عزیز کی نمازجنازہ میں پیپلزپارٹی کے رہنما قمر زمان کائرہ، سابق وفاقی وزیر سردار محمد یوسف، سابق وزرائے اعظم سردارتنویر الیاس، سردار عتیق اور یعقوب خان بھی شریک ہوئے۔
چوہدری عزیز 3 بار ممبر اسمبلی اور سینئر وزیر رہے،وہ قائم مقام وزیراعظم بھی رہے۔