بسام سلطان: لاہور کو چمکانے کا مشن، ایل ڈبلیو ایم سی صفائی ٹیمیں فیلڈ میں متحرک ہیں ۔تمام کمرشل مارکیٹس کی صفائی ستھرائی صبح 8 بجے سے قبل مکمل کرکے  5000 سے زائد کنٹینرز صبح کی شفٹ میں کلیئر کر دیئے گئے۔

سی ای او بابر صاحب دین کا کہنا تھا کہ شہر کی تمام شاہراہوں پر مینوئل سویپنگ، مکینیکل سویپنگ کا عمل جاری ہے۔ کمرشل مارکیٹس کے ساتھ ساتھ مرحلہ وار رہائشی علاقوں کو زیرو ویسٹ کیا جا رہا ہے۔ علامہ اقبال ٹاون، کریم بلاک، جوہر ٹاون، ٹھوکر نیاز بیگ میں علاقوں کی کلیئرنس کا عمل جاری ہے ۔ جی ون مارکیٹ، کھوکھر چوک، ایکسپو سینٹر، ایمپوریم مال، پر خصوصی صفائی ٹیمیں تعینات ہیں ۔ مین بلیوارڈ گلبرگ، کینال روڈ، جیل روڈ اور مال روڈ پر  بھی مکینیکل سویپنگ کا عمل جاری ہے ۔ لاہوریوں کو صاف ستھرا ماحول فراہم کرنا ہی اولین ترجیح ہے۔ شہریوں سے گزارش ہے کہ گلیوں، محلوں،اور خالی  پلاٹس میں کوڑا پھینکنے سے گریز کریں۔