ویب ڈیسک: ماڈل و اداکارہ نازش جہانگیر کو سوشل میڈیا پر بولڈ تصاویر شیئر کرنے کے بعد کرکٹر بابر اعظم کا نام لے کر طعنے دئیے جارہے ہیں۔
نازش جہانگیر نے ایک روز قبل انسٹاگرام پر ہوٹل پر کھانا کھانے کی تصاویر شیئر کیں، جن میں انہیں خوبصورت لباس میں دیکھا جا سکتا ہے، اداکارہ کی جانب سے رات کے کھانے کی تصاویر شیئر کیے جانے کے بعد سوشل میڈیا صارفین نے ان کی پوسٹ پر کمنٹس کرتے ہوئے جہاں انہیں لباس پر آڑے ہاتھوں لیا، وہیں بعض افراد نے انہیں بابر اعظم کے طعنے بھی دیے۔
سوشل میڈیا صارفین نے اداکارہ کے لباس پر تنقید کرتے ہوئے انہیں سخت تنقید کا نشانہ بنایا اور اس بات پر اظہار افسوس کیا کہ وہ بھی دیگر اداکاراؤں کی طرح دن بہ دن لباس کو مختصر کرتی جا رہی ہیں،کچھ افراد نے ان سے سوال کیا کہ کیا اداکاراؤں کو مختصر لباس پہننے کے پیسے ملتے ہیں؟
کچھ مداحوں نے اس بات پر افسوس کیا کہ انہیں جو بھی اداکارہ پسند آنے لگتی ہے، کچھ دن بعد وہ مختصر لباس پہننے لگتی ہے۔
بعض افراد نے ان کی پوسٹ پر بابر اعظم کے کمنٹس کرکے انہیں طعنے دینے شروع کیے، تاہم اداکارہ نے کسی بھی کمنٹ کرنے والے کو کوئی جواب نہیں دیا۔