اسرار خان : اسلام پورہ میں نیلی بار چوک کے قریب جمال موبائل شاپ میں دکان مالک نے بہادری کا مظاہرہ کرتے ہوئے ڈکیتی کی کوشش ناکام بنادی۔
تفصیلات کے مطابق دکان مالک نے لوٹ مار کے لیے آئے ڈاکوؤں پر فائرنگ کردی، دکان مالک کی فائرنگ سے ایک ڈاکو ہلاک ہو گیا۔ہلاک ڈاکو کے دوسرے ساتھی نے دکان مالک پر فائرنگ کردی، جس سے دکاندار بھی زخمی ہو گیا۔
زخمی دکان مالک طبی امداد کے لئے میو ہسپتال منتقل کردیا گیا۔
پولیس کا کہنا ہے کہ فرانزک ٹیموں کی مدد سے جائے وقوعہ سے شواہد اکٹھے کر لئے، ہلاک ڈاکو کی لاش پوسٹ مارٹم کے لئے مردہ خانے منتقل کر دی گئی، ہلاک ڈاکو کی شناخت سمیت دیگر پہلوؤں پر تحقیقات جاری ہیں۔