وقاص عظیم: نگراں وزیر خزانہ شمشاد اختر کی زیر صدارت اقتصادی رابطہ کمیٹی کا اجلاس طلب کیا گیا۔
اجلاس میں چینی اور آٹے کی بڑھتی ہوئی قیمتوں پر بریفنگ دی گئی۔ اجلاس میں وزارت خوراک و غذائی تحفظ نے کہا کہ 10 اگست سے چینی کی برآمد پر پابندی لگی ہوئی ہے۔
اجلاس میں چینی کی برآمد اور کوٹے پر ای سی سی کو تفصیلی بریفنگ دی گئی، اس کے علاوہ چینی کی برآمد پر پابندی کے اثرات کا جائزہ بھی لیا گیا ۔ ای سی سی نے چینی کے اسٹاک ، طلب اور رسد پر تفصیلی بریفنگ طلب کر لی، ای سی سی نے گندم کے اسٹاک پر بھی تفصیلی بریفنگ طلب کر لی۔