(حافظ شہباز علی)پاکستان کرکٹ بورڈ نے انگلینڈکےخلاف پہلے ٹی ٹونٹی میچ کی گیٹ منی پرائم منسٹر فلڈریلیف فنڈ میں عطیہ کرنے کا اعلان کردیا۔
سیلاب زدگان کی مدد کے لیے پی سی بی بھی میدان میں آگیا ، کرکٹ بورڈنے انگلینڈ کے خلاف کراچی میں شیڈول پہلے ٹی ٹونٹی انٹرنیشنل میچ کی گیٹ منی پرائم منسٹر فلڈریلیف فنڈ میں جمع کروانے کا فیصلہ کیا ہے۔ پاک انگلینڈ ٹی ٹونٹی سیریز کا پہلا میچ 20 ستمبر کو نیشنل اسٹیڈیم کراچی میں کھیلا جائے گا۔ پی سی بی نے کراچی کے شائقین سے بڑی تعداد میں میچ دیکھنے کی اپیل کی ہے۔
چیئرمین پی سی بی رمیز راجہ کہتے ہیں کہ مون سون کی بارشوں اور سیلاب کی وجہ سے پیداشدہ صورتحال پر افسوس ہے ،کرکٹ پاکستان کی عوام کو متحد کرتی ہے۔مشکل وقت میں پی سی بی سیلاب متاثرین کیساتھ کھڑا ہے۔