(عابد چودھری) باغبانپورہ میں غیرت کے نام پر24 سالہ نوجوان کو قتل کرنے والا ملزم سی سی ٹی وی کی مدد سے گرفتارکر لیا گیا.
باغبانپورہ پولیس نے کارروائی کرتے ہوئےدو روز قبل 24 سالہ شہری علی رضا کو فائرنگ سے قتل کرنے والا مرکزی ملزم عرشمان اسلحہ سمیت گرفتار کر لیا،ملزم کے قبضہ سے پسٹل اور گولیاں برآمد ہوگئیں،مقتول کے والد کی مدعیت میں نامزد ملزم عرشمان اور 2 نامعلوم ملزمان کے خلاف مقدمہ درج کیا گیا تھا۔
پولیس کے مطابق گرفتار ملزم عرشمان کو شک تھا کہ مقتول علی رضا کے اس کی بیوی کے ساتھ ناجائزتعلقات تھے جبکہ سی سی ٹی وی میں بھی ملزم کو فائرنگ کرکے فرار ہوتے دیکھا جا سکتا ہے،ایس پی کینٹ عیسی سکھیرا کا کہنا ہے کہ دیگر ملزمان کو جلد گرفتار کر لیا جاۓ گا۔