ویب ڈیسک: راولپنڈی کے تمام نالوں میں کوڑا کرکٹ پھینکنے پر پابندی عائد کر دی گئی، خلاف ورزی کرنے والوں کیخلاف سخت کارروائی کی جائے گی۔
تفصیلات کے مطابق واسا حکام کا کہنا ہے کہ راولپنڈی میں ایک مہینے کیلئے دفعہ 144 نافذ کردی گئی ہے جس کی خلاف ورزی کرنے والوں کے خلاف فوری کارروائی کی جائے گی اور ملوث افراد کی گرفتاری کو بھی لازم بنایا جائے گا۔ نالہ لئی سمیت راولپنڈی کے تمام نالوں میں کوڑا کرکٹ پھینکنے پر پابندی کے ساتھ ساتھ نالوں کے اطراف میں ہر طرح کی تعمیرات پر بھی پابندی عائد کی گئی ہے۔
یاد رہے کہ شدید بارشوں کے باعث نالہ لئی میں پانی کا لیول زیادہ ہونے کے باعث قریبی آبادیوں کو سخت مشکلات کا سامنا کرنا پڑ رہا ہے۔