(ویب ڈیسک) سوشل میڈیا پر مختلف قسم کی ویڈیوز  وائرل ہوتی رہتی ہیں جن میں سے بعض  ویڈیوز بہت جلد صارفین کی توجہ حاصل کر لیتی ہیں ایسی ہی ویڈیو سوشل میڈیا پر وائرل ہوگئی جس میں  تین لڑکیوں نے چلتی ٹرین سے چھلانگ لگا دی یہ واقعہ پڑوسی ملک بھارت میں پیش آیا ۔ 

میڈیارپورٹس کے مطابق ٹوئٹر پر شیئر کی گئی ایک ویڈیو نے دیکھنے والوں کو دنگ کر دیا ہے جو بھارتی ریاست مہاراشٹر کی ہے۔ویڈیو میں دیکھا جا سکتا ہے کہ ایک ہوم گارڈ ایک لڑکی کو بچانے کے لیے بھاگ رہا ہے جو چلتی ٹرین سے اترتے وقت پلیٹ فارم پر ٹھوکر کھاکر گِرگئی۔

جب الطاف شیخ نامی ہوم گارڈ لڑکی کو بچانے کی کوشش کر رہا تھا تو دوسری دو لڑکیوں نے دوسری بوگی سے چلتی ہوئی ٹرین سے چھلانگ لگادی اور وہ پلیٹ فارم پر گِر گئیں۔سی سی ٹی وی فوٹیج دیکھ کر سوشل میڈیا صارفین خوفزدہ تھے۔ بہت سے لوگ یہ نہیں جان سکے کہ باقی دو لڑکیوں نے چلتی ٹرین سے کیوں چھلانگ لگائی۔

Home Guard Altaf Shaikh working @grpmumbai saved the life of a lady passenger who fell down during boarding a suburban train at Jogeshwari station on 16/4/22. He is being rewarded for his presence of mind, alertness & dedication to duty @drmbct @DGPMaharashtra @Dwalsepatil pic.twitter.com/1td8B7YLOp

— Quaiser Khalid IPS कैसर खालिद قیصر خالد (@quaiser_khalid) April 25, 2022