شہباز علی: پاکستان کرکٹ بورڈ ( پی سی بی) نے کھلاڑیوں کے سنٹرل کنٹریکٹ کا اعلان کر دیا ، اے کیٹیگری میں بابر اعظم اور محمد رضوان کو شامل جبکہ شاہین شاہ آفریدی اور نسیم شاہ کو بی کیٹیگری میں شامل کیا گیا ہے۔
پی سی بی نے 25 کھلاڑیوں کو سنٹرل کنٹریکٹ دیا ہے۔۔ انگلینڈ کے خلاف شاندار کارکردگی دکھانے والے نعمان علی اور ساجد خان کو بھی سنٹرل کنٹریکٹ دیا گیا ہے ۔ بابر اعظم اور محمد رضوان اے کیٹیگری پانے والے واحد دو کھلاڑی ہیں۔
دوسری طرف شان مسعود ، نسیم شاہ بی کیٹیگری میں شامل ہیں۔سی کیٹیگری میں عبداللہ شفیق، شاداب خان،حارث رؤف ،صائم ایوب اور ابرار احمد شامل ہیں جبکہ ساجد خان، سلمان علی آغا، اور سعود شکیل بھی اسی کیٹیگری میں ہیں۔
ڈی کیٹیگری میں عامر جمال، محمد وسیم جونیئر، محمد حریرہ، میر حمزہ، اور خرم شہزاد شامل ہیں۔ پانچ کھلاڑیوں کو پہلی بار سینٹرل کنٹریکٹ میں شامل کیا گیا جن میں محمد علی، عثمان خان، عرفان خان نیازی، حسیب اللہ خان، عباس آفریدی، اور کامران غلام شامل ہیں۔