عامر شہزاد: پشاور کے علاقہ حیات آباد انڈسٹریل اسٹیٹ میں فیکٹری میں گزشتہ روز لگنے والی آگ پر تاحال قابو نہ پایا جاسکا، ریسکیو حکام کا کہناتھا کہ آتشزدگی پر 70 فیصد قابو پالیا گیا ہے، متاثرہ فیکٹری کا بیرونی حصہ گر گیا، ریسکیو اہلکاروں نے ملبہ ہٹانے کا کام شروع کردیا۔

ترجمان ریسکیو1122 بلال احمد فیضی کا کہناتھا کہ پشاور کے انڈسٹریل اسٹیٹ حیات آباد کارخانہ میں لگی آگ پر قابو پانے کے لے آپریشن جاری ہے،  گزشتہ روز لگنے والی آگ پر 70 فی صد تک قابو پالیا گیا ہے، ریسکیو1122 فائر فائیٹرز مسلسل فائر فائٹنگ کررہے ہیں۔
 آگ بجھانے میں ریسکیو1122 کی 25 سے زائد آپریشنل گاڑیاں آپریشن میں حصہ لے رہی ہیں،  ریسکیو1122 کے 100 سے زاہد اہلکار آگ بجھانے کے عمل میں مصروف ہیں، آگ پر قابو پانے کے لیے چارسدہ ، مردان، صوابی، نوشہرہ اور ضلع خیبر کی ٹیمیں حصہ لے رہی ہیں، آگ کو ایک ہی جگہ تک محدود رکھا گیا ہے۔