(عرفان ملک)مذہبی جماعت کے مارچ کے حوالے سے ایف آئی اے نے کریک ڈاؤن شروع کردیا۔ ایف آئی اے سائبر کرائم ونگ کو سوشل میڈیا پر وائرل ہونے والے نفرت انگیز مواد کی تانے بانے بھارت سے ملے ہیں ۔
تفصیلات کے مطابق ایف آئی اے کو پندرہ سے زائد ایسے سوشل میڈیا اکاؤنٹس ملے جو بھارت سے نفرت انگیز مواد پھیلاتے ہیں۔ زرائع سائبر کرائم ونگ کا کہنا ہے کہ مذہبی جماعت کے حوالے سے بھارت سے آپریٹ ہونے والے اکاؤنٹس سے نفرت انگیز مواد پھیلایا جا رہا ہے۔ ایف آئی اے حکام کا کہنا ہے کہ انڈین اکاؤنٹس سے ملک میں انتشار پھیلانے کی کوشش کی جا رہی ہے۔
ایف آئی اے نے انڈین اکاؤنٹس سمیت دیگر ہینڈلرز کے اکاونٹس بلاک کروانے کے لیے پی ٹی اے کو آگاہ کر دیا ۔