( زین مدنی ) کل پاکستان موسیقی کانفرنس اپنی رعنائیوں کے ساتھ اختتام پذیر ہوگئی، پانچویں اور آخری روز بھی اوپن ائیر تھیٹر باغ جناح میں کلاسیکل گلوکاروں اور سازندوں نے ایسے سر بکھیرے کہ ہر کوئی دیوانہ وار جھومتا رہا۔
اوپن ائیر تھیٹر باغ جناح میں جاری پانچ روزہ کل پاکستان موسیقی کانفرنس کے آخری روز بھی شائقین کی کثیر تعداد نے شرکت کی، کلاسیکل نیم کلاسیکل گلوکاروں اور سازندوں کی پرفارمنس سے محظوظ ہوئے۔
آخری روز معروف گلوکاروں جاوید نیازی، بابر نیازی، استاد نصیر الدین سامی، حامد علی خان، حسین بخش گلو، عبدالرؤف، راحت ملتانیکر سمیت دیگر نے پرفارم کیا اور خوب سر بکھیرے۔
کل پاکستان موسیقی کانفرنس سے جہاں شائقین نے خوب تفریح انجوائے کی وہیں کلاسیکل گلوکاروں اور سازندوں نے بھی بھرپور داد سمیٹی۔