(عمر اسلم) اپوزیشن کی ریکوزیشن پر پنجاب اسمبلی کا اجلاس آٹھ نومبر کو طلب کر لیا گیا، اسپیکر پنجاب اسمبلی چودھری پرویز الہیٰ اجلاس کی صدارت کریں گے۔
تفصیلات کے مطابق پنجاب اسمبلی کا اجلاس بلانے کی ریکوزیشن اپوزیشن کی جانب سے جمع کروائی گئی تھی۔ اس سلسلے میں پنجاب اسمبلی کا اجلاس آٹھ نومبر بروز جمعرات صبح دس بجے طلب کرلیا گیا۔ جس کی صدارت اسپیکر پنجاب اسمبلی چودھری پرویز الہیٰ کریں گے۔
واضح رہے کہ سابق وزیراعلی پنجاب میاں محمد شہبازشریف کی گرفتاری پر اپوزیشن کی جانب سے پنجاب اسمبلی اجلاس بلانے کے حوالے سے ریکوزیشن جمع کروائی گئی تھی۔