ویب ڈیسک: پوتا تو پوتا دادا بھی موٹرسائیکل چرانے میں ماسٹر نکلا، گرفتار 10 سالہ پوتے نے دادا کا بھانڈا پھوڑدیا ، گلشن معمار پولیس نے پوتے کو بائیک لفٹر بنانےوالے اسکے دادا سیف اللہ کو بھی گرفتار کرلیا۔
تفصیلات کے مطابق 10 سالہ پوتے کو موٹرسائیکل لفٹر بنانے والا دادا کو بھی پولیس نے گرفتار کرلیا۔3 روز کے دوران موٹر سائیکل لفٹر گینگ کےگرفتار ارکان کی تعداد 7 ہوگئی جس میں خاتون بھی شامل ہے۔
پولیس حکام کا کہنا ہےکہ گزشتہ روز گرفتار بچے کی نشاندہی پر دادا کو گرفتار کیا گیا،گرفتارمعمر شخص ہی موٹر سائیکل لفٹر گینگ کا سرغنہ ہے،کمسن پوتے کو وارداتوں میں استعمال کرنے کا اعتراف کرلیا۔
پولیس نے دعویٰ کیا ہے کہ ملزم نے 10 سالہ پوتے سے موٹر سائیکل چوری کی 50 سے زائد وارداتیں کرائیں، گرفتار گینگ میں میاں بیوی، موٹر سائیکل مکینک بھی شامل ہے۔