ویب ڈیسک: بھارت میں ایک شخص نے شوروم کی طرف سے موٹر سائیکل کی مرمت کرنے کا بل 90 ہزار روپے دیے جانے پر اپنی الیکٹرک بائیک کو ہتھوڑے مار مار کر توڑ دیا، واقعہ کی سوشل میڈیا پر ویڈیو بھی وائرل ہوچکی ہے۔
سوشل میڈیا پر وائرل ویڈیو میں ایک بھارتی شخص غصے میں الیکٹرک موٹر سائیکل کے شوروم کے سامنے اپنی بائیک کو ہتھوڑے مار مار کر توڑتا نظر آرہا ہے، مذکورہ شخص نے شوروم کو اپنی بائیک مرمت کرنے کیلئے دی تھی ، جنہوں نے پورے ایک مہینےبعد اسے بائیک واپس کرنے کے ساتھ ہی 90 ہزار روپے کا بل تھما دیا، جسے دیکھ کر وہ شخص شدید غصے میں آگیا۔
سوشل میڈیا پر وائرل ویڈیو میں دیکھا جاسکتا ہے کہ ایک شخص سفید ٹی شرٹ اور نیلی جینز پہنے، شوروم کے سامنے پڑے اسکوٹر پر ہتھوڑے برساتا نظر آرہا ہے، بعد ازاں، دیگر افراد بھی اس عمل میں شامل ہو جاتے ہیں اور اسکوٹر کو مزید نقصان پہنچاتے ہیں۔
ویڈیو کے سامنے آنے کے بعد صارفین کی جانب سے کمپنی کو شدید تنقید کا نشانہ بنایا جارہا ہے۔