ویب ڈیسک: پاکستانی اداکارہ اور معروف ٹک ٹاکر جنت مرزا نے بھی عمرے کی سعادت حاصل کرلی۔
حال ہی میں جنت مرزا نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں انہیں خانہ کعبہ کے سامنے کھڑے دیکھا گیا۔
مذکورہ جھلکیوں میں جنت مرزا عبایا پہنے ہوئیں ہیں تاہم ٹک ٹاکر کے کیپشن سے واضح ہوتا ہے وہ 18 نومبر کو عمرہ ادائیگی کیلئے سعودی عرب میں موجود تھیں۔
دوسری جانب ٹک ٹاکر و اداکار کین ڈول نے بھی جنت مرزا کی پوسٹ پر انہیں عمرے کی مبارکباد دی۔سحر حیات ، ربیکا خان نے بھی کمنٹ سیکشن کا رخ کرتے ہوئے جنت مرزا کیلئے ’ماشااللہ’ کے الفاظ لکھے۔
یاد رہے کہ اداکارہ و ٹک ٹاکر جنت مرزا کے نام سے کون واقف نہیں، سوشل میڈیا پلیٹ فارمز پر مقبولیت کی حامل جنت مرزا دیدہ زیب شخصیت اور سوشل میڈیا پوسٹس کے سبب خوب مقبولیت حاصل کیے ہوئی ہیں۔ٹک ٹاک کی دنیا میں سب سے زیادہ نام کمانے والی اسٹار جنت مرزا کی وجۂ شہرت نہ صرف اداکاری ہے بلکہ انکا فیشن سینس، دلکش ملبوسات اور بہترین لپ سنک کی مہارت بھی انہیں ایک انفرادی پہچان دلواتی ہے۔