(ویب ڈیسک)پاکستان کرکٹ ٹیم  ٹیسٹ کھلاڑی شان مسعود رشتۂ ازدواج میں منسلک ہو رہے ہیں۔

ان کی ہونے والی اہلیہ میشے خان کا تعلق پشاور سے ہے،  شان مسعود کی میشے خان سے شادی ان کی پسند سے ہو رہی ہے۔

شادی کی تقریب 21 جنوری 2023ء کو پشاور میں ہی منعقد ہو گی۔33 سالہ شان مسعود جو 14 اکتوبر 1989ء کو کویت میں پیدا ہوئے، انہوں نے پاکستان کے لیے 25 ٹیسٹ، 5 ون ڈیز اور 19 بین الاقوامی ٹی 20 میچز کھیل رکھے ہیں۔ بائیں ہاتھ کے بیٹر نے حال ہی میں انگلش کاؤنٹی یارکشائر کے ساتھ 2 سال کا معاہدہ کیا ہے اور 2023ء میں وہ یارکشائر کی قیادت بھی کریں گے۔

شان مسعود معروف بینکر منصور مسعود خان کے فرزند ہیں، ان کے تایا وقار مسعود خان حکومت پاکستان میں سابق سیکریٹری فنانس رہ چکے ہیں، 3 بہن بھائیوں میں شان مسعود کا دوسرا نمبر ہے۔